سندريلا فلسطين
عدد المشاركات : 81
العمر : 39
التقيم : 0
| موضوع: فلسطيني وافتخر الجمعة سبتمبر 11, 2009 11:11 am | |
| فلسطيني وافتخر قالولك اسكت ما تحكيش
أنت خلقت للتلطيش
للحواجز للمعابر للتفتيش
كتبوا علي جبينك ينداس
من الضابط للشاويش
فلسطيني قالولك ممنوع تعيش
فلسطيني ممنوع تثور
و مش مسموح تكون مقهور
إياك تطالب بحقك
أوعك بيوم تشوف النور
***
ممنوع تجدد هوية
ممنوع تجدد بسبور
فلسطيني و بدك تتعلم
هاي الشَغْلَة ضد الدستور
فلسطيني لازم تتألم
من دون مايشوفك دكتور
فلسطيني ممنوع تتظلم
و لا يطلع بجناحكريش
فلسطيني ممنوع تعيش
***
فلسطيني بكل المطارات
اسمك بالأحمر مكتوب
و على شُباك مصلحة الجوازات
كتبوا على جبينك مطلوب
لازم تتوقف ساعات
مذنب أو من دون ذنوب
و يتوجه إلك اتهامات
إنك سبب كل الحروب
كأنو بسببك الحق مات
و العدل بأرضك مسلوب
و كأنك سبب النكسات
و كل أزمات الشعوب
و كأنو بسببك مجرم فات
على جنين بلحظه الغروب
و ذبح صبيان و بنات
و عجّزعلى أمرها مغلوب
***
مع انو الحقيقة
أنا إلي بالدنيا ضحية
عَمَلْتوني مادة للغنى
و قضية للي ما عندو قضية
أنا إلي راسي ما إنحنى
بوجه الريح القوية
أنا إلي شعبي صمد
في الضفه وبالرشيدية
أنا إلي شعبي انتفض
و بحجر حارب دورية
و اليوم وبكرة و للأبد
عنا كلمه وحدة هي
فلسطيني وافتخر | |
|
dark angEL مسؤول عالم القرصنه
عدد المشاركات : 132
العمر : 31
التقيم : 0
| موضوع: رد: فلسطيني وافتخر السبت سبتمبر 12, 2009 5:45 am | |
| | |
|