نواف مشرف
عدد المشاركات : 257
التقيم : 0
| موضوع: حكي نمر 8 السبت أبريل 25, 2009 8:56 am | |
| ذاجت بطاقات ( عرس ) عند ناوشف الكشره من فوق الى تحت
على طووول يتحولون الى شلّة ( حسبالله )
بعذرهم... انواع الوناسة وفلّة الحجاج
من الظهر يتجهزون عند دندشة ولبنى وباقي المشاغل
ويروحون للعرس الساعة 10... كل وحده منتفشه تقل طاووس
ومن يوم يدخلن الى الساعة 12 وهن فاصلات الفيش
عرض ازياء ولا في الخيال
فساتين وتصاميم وطقوم ذهب والماس ... شي شي
تعال عاد للتقديم والمعروض
شمعدانات وشوكولا ومعجنات وصياني الحلى والحركتاتات
والعصيرات ( فريش ) بجميع الانواع
والـطقاقات والـ dj وخذ يا ( مايطلبه المهسترون ) وهز يا وز
واللي ماترقص تتفرج...
( هذا اللي شايف نفسه... ماشي ولا هو معبرني )
( يالتاكسي... خذني لها يالتاكسي )
وحتى ( ياسلامي عليكم يالسعودية ) ورى ورى على قلبي ولايووووقف
والمغاتير يدهرن تصوير
وبعد 12 تجي زفة العروس... وهذا لحاله عرض سينمائي
ثم تعال عاد للعشاء اللي يجيب العافيه
بوفيه فاخر يحتوي على ما عرفت وما لم تعرف
اكلات عالمية ولبنانية وشامية وشغل نظيف
وعلى طرف قسم خاص للاكلات الشعبية... مرقوق وجريش وهريس ..والخ
اصلا الحريم يقومن وهن فادغات من الحلى والمعجنات ولا يذوقن العشاء
ثم يكملون السهرة على نغمات الطقاقة الـ vib
وتروح تاخذهن الساعة 4 يطلعن للشارع وهن الى الحين ( خارج التغطية )
تركب الوحده منهن السيارة وكتوفها الى الحين ( يهزّن )
آآآبوووك يالوناسه
موب الرجال اللهم ياكفي... تقول بـ عزاء
ليش دايم عزيمة العرس للرجال تجيب الكدر
تلقاهم متكومين في صالة طويلة عريضة
وكل اثنين زابنين جنب بعض
وانواع المساسر والضحكات الصفراء
هم وغم ونكد وجلسة تجيب الكدر
وبزارين ناسفين الشمغ ومدبسينها بدباسه علشان ماتخرب التشخيصة
وماتشوف الا طوفريات الشاهي ( اصفر واحمر ) رايحه جايّه
قسما بالله مايشوفون شي غير الشاهي
واللي يصبون انواع النفسيات
يصب لهم بياله حمراء... ثم صفراء.. ثم حمراء.. ثم يكبّه على ثوب واحد منهم
والناس جايّة تقل مغصوبة او ( تأدية واجب )
واللي يصيد له واحد يطلبه فلوس من سنتين وتوّه يشوفه
واللي يبترم واذا شاف له اثنين يسولفون جلس بينهم وفهّر وجهه
اعوذ بالله من غضب الله... وجيه مكفهرّه وتقطع الامل بالحياة
واذا وصل ( المعرس) وازعجوا ام امهم بالبواري
ونزل المعرس وصفو ذاك السرى تقل عند مقصف مدرسه
ثم ( اقلطوا الله يحييكم... يالله حيّهم على عشاهم )
رز ولحم... ورز ولحم... ورز ولحم... ورز ولحم... ورز ولحم
وصحون فاكهة كل صحن فيه برتقالتين وتفاحتين وموزتين
ثم تعشّوا وقوموا غسّلوا.. واقضبوا الباب الله لايهينكم
ويقعد الشباب اللي يبي يجيبون اهلهم يطقّونها ( اربعة بلوت ) الى الفجر
بذمتكم مو ظلم ؟؟
وين اعلان مشاعر الفرح ؟؟
وين فرقة السامري والحركتات والدحة ؟؟
لا وخذ عاد اذا احد المجتهدين اخذ له مكرفون وقام يحدث عن عذاب القبر
عذاب القبر في الزواج
والله مهوب وقته
صح
لكم التعليق لاهنتوا
| |
|
( القناص )
عدد المشاركات : 489
التقيم : 10
| موضوع: رد: حكي نمر 8 الإثنين أكتوبر 11, 2010 5:22 pm | |
| يسلموووووووووووووووووووووو نوف
لاتحرمينا من جديدك تقبلي مروري
| |
|